Yolları yararsız vəziyyətə salanların cəriməsi 6 dəfə artırılır

ANN.Az report-a istinadən xəbər verir ki, Cinayət Məcəlləsinə 266-cı maddəsinə əsasən, dağıtmaq, zədələmək və ya başqa üsulla yolların, nəqliyyat vasitələrinin və ya nəqliyyat avadanlığının yararsız vəziyyətə salınması ehtiyatsızlıqdan zərərçəkmiş şəxsin sağlamlığına az ağır və ya ağır zərər vurulmasına və ya külli miqdarda ziyan vurulmasına səbəb olduqda 500 manatdan 1000 manatadək miqdarda cərimə və ya 2 ilədək müddətə islah işləri və ya 2 ilədək müddətə azadlıqdan məhrum etmə ilə cəzalandırılır. Burada cərimənin miqdarının 3 min manatdan 6 min manatadək artırılması təklif edilir.

Bundan başqa, Məcəllənin 267-ci (Nəqliyyat vasitələrinin təhlükəsiz işləməsini təmin edən qaydaları pozma) maddəsinin cəzasının cəriməsinin miqdarının 2000 manatdan 3 min manatadək artırılması təklif olunur. Hazırki qanunvericiliyə görə bu miqdar 1000 manatdan 2000 manatadəkdir.

Dəyişiklik layihəsi Milli Məlicisin plenar iclasında müzakirəyə çıxarılacaq.