Balakəndə tarixi abidə tapılıb

Balakəndə Qafqaz Albaniyası dövründə tikilmiş tarixi abidə tapılıb.

ANN.Az xəbər verir ki, bu barədə APA-nın Şəki-Zaqatala bürosuna Azərbaycan Milli Elmlər Akademiyası (AMEA) Tarix İnstitutunun əməkdaşı, tarix üzrə fəlsəfə doktoru Akif Məmmədli məlumat verib.

Akif Məmmədlinin sözlərinə görə, Balakən rayonunun Qazbinə kəndinin inzibati ərazisinin yaxınlığında dağlıq ərazidə, el arasında "Laçın qaya” adlanan qayalığın cənubunda bu günə qədər elmə bəlli olmayan, tarixi abidələrimizin siyahısına salınmayan yeni bir tarixi abidə aşkar edilib. Yeni tapılan abidə Qafqaz Albaniyası dövrünə aiddir və xristian məbədlərindəndir.

Tarixçinin sözlərinə görə, naməlum şəxslər abidəyə xəzinə tapmaq ümidi ilə böyük ziyan vurublar.

www.ann.az