Bakı sakinləri daha çox hansı şirniyyatları sevirlər – SORĞU

ANN.Az "ACT Azərbaycan”nın apardığı sorğunun nəticələrini təqdim edir.

Sorğu nəticəsində məlum oldu ki, Bakı əhli dilinə şirinlik qatmaq üçün bir ay ərzində, əsasən, tortlardan (64 %) və bişmələrdən (64 %) istifadə edir. Pirojna (57 %) və  kekslərdən (57 %) istifadə edənlər də yetəri qədərdir.

 

 Nisbətən az maraq çəkənlər isə milli və şərq şirniyyatlarıdır (47 %).

Şəhər sakinlərinin şirniyyata olan marağını nəzərə alıb respondentlərin bu şirniyyatları mağazadan hazır şəkildə almaları, yoxsa evdə bişirmələri ilə maraqlandıq. Məlum oldu ki, fikri soruşulanların yarıdan çoxu tortu (52 %), pirojnani (47 %), milli və şərq şirniyyatı (43 %), keksləri (46 %) həm evdə hazırlayır, həm də hazır şəkildə mağazadan alırlar. Bişmə sevənlər isə onu ancaq hazır şəkildə mağazadan almağa üstünlük verirlər (43 %).

Sorğu 24 dekabr - 3 yanvar tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.