“Porsche” ilə qəza törədən rəisin oğlu

Bakıda "Porsche” ilə piyadanın üstündən keçdiyi deyilən 24 yaşlı Əhəd Kərimov atası ilə heç bir əlaqəsi olmadığını deyib.

AZXEBER.COM-un məlumatına görə, Əhəd Kərimov baku.ws-ə bildirib ki, atası ilə anası 1994-cü ildə boşanıblar.

O, anası ilə yaşadığını və atası ilə münasibətlərinin soyuq olduğunu deyib: "Bu məsələyə mənim atamın heç bir aidiyyəti yoxdur. Atamla anam 20 il əvvəl ayrılıblar. Atamın yanında böyüməmişəm. Məni böyüdən şəxs anam olub. O, avtomobili isə mən 10 min dollara almışam. Aldığım adamı da göstərə bilərəm. Atamla mən 5-6 ildir danışmıram. O, mənim heç ad günümü belə zəng edib təbrik etmir, onun pulu ilə ayaqqabı belə almamışam. O qədər soyuqdur münasibətimiz. Yəni atama görə arxayınlaşım, harınlayım, belə şey yoxdur”.

Əhəd Kərimov hadisənin necə baş verməsi ilə bağlı da danışıb: "Mən aeroport yolu ilə yüz km/saat sürətlə gedirəm, qabaqda da "Mercedes Sprinter” markalı mikroavtobus gedir. "Sprinter”lə məsafə 10 metrdir. Bir anlıq "Sprinter”in qarşısından piyada keçdi. "Sprinter” sol güzgüsü ilə piyadanı vurdu və adam mənim avtomobilimin altına düşdü. Mən isə saxlaya bilmədim. Bu, bir anlıq hadisə idi”.