Yeni tikililərdə mənzillər niyə ucuzlaşmır? - Açıqlama

anews.az xəbər verir ki, bunu Sputnik-ə açıqlamasında Əmlak Ekspert Mərkəzinin direktoru Ramil Osmanlı deyib.

O bildirib ki,  yeni tikililərin sayı artsa da, qiymətləri də yüksəlir. Bu da ona görədir ki, yeni tikililərdə qiymətlərin azalması üçün iqtisadi əsaslanma mövcud deyil. Eyni zamanda, qiymətə mənzil tikinti koorparativlərinin rəhbərləri nəzarət edir. Onlar subyektiv mülahizələrinə əsaslanıb qiymət siyasəti həyata keçirirlər: "Tikinti şirkətlərinin kifayət qədər kənar maliyyə resursları olduğuna görə onlar qimyət siyasətində bir istiqamətli xətt yürüdürlər. Onlar təklif və tələb şərtlərini nəzərə almadan qiymət siyasəti həyata keçirirlər. Ona görə də mən düşünmürəm ki, köhnə tikililərin yerində yeni hündürmərtəbəli binaların tikilməsi mənzillərin qiymətinə təsir edəcək”.