“Qadın Liderliyi Uğrunda” İB dəvət edir

İşsizlik, gəlirlərin azalması, əhalinin müəyyən təbəqəsinin borc içində olması və s. sosial-psixoloji vəziyyəti gərginləşdirib. Əhalinin xüsusilə aztəminatlı hissəsi, müəyyən risq qruplarında təmsil olunan təbəqəsi ölkədə gedən prosesləri çətin keçirir. Bu vəziyyətdən necə çıxacaqlarını bilmir, gələcəyə olan ümid və inamları sarsılır. Nəticədə cəmiyyətdə bir sıra neqativ halların, eləcə də sosial bəla olan intiharların sayının durmadan artmasının şahidi oluruq.

"Qadın Liderliyi Uğrunda” İB AR Prezidenti yanında QHT-lər Dövlət Dəstəyi Şurasının dəstəyi ilə "Qadınların sosial-psixoloji böhrandan çıxmasına və inkişafa hədəflənməsinə dəstək” layihəsini həyata keçirir.

Bu layihə çərçivəsində avqustun 3-ü saat 12:00-da "Qadınların sosial-psixoloji problemləri və onların həlli yolları” mövzusunda Dəyirmi Masa keçiriləcək. Eyni zamanda mövzu ilə bağlı KİV-də məqalə müsabiqəsi elan ediləcək. "Qadın Liderliyi Uğrunda” İB mövzu ilə bağlı müzakirələrdə iştirak etmək istəyən hər kəsi, həmçinin məqalə müsabiqəsinə qatılmaq istəyən jurnalistləri dəvət edir!

Tədbirdə müvafiq dövlət qurumlarının, QHT-lərin, medianın nümayəndələri və ictimai fəallar iştirak edəcək.

Moderator "Cənubi Qafqaz” politoloqlar klubunun sədri İlqar Vəlizadə.