Bakıda yanan “Gelandewagen"i nazir müavinin nəvəsi sürüb - RƏSMİ

Bakıda iki gün öncə 2 nəfərin ölümü ilə nəticələnən qəza zamanı yanan "Mercedes Gelandewagen”in sükanı arxasında Nail Allahverdiyevin olduğu müəyyən edilib. 

İstiPress-in məlumatına görə, Daxili İşlər Nazirliyinin mətbuat xidmətinin rəhbəri polkovnik Ehsan Zahidov Bakının Heydər Əliyev prospektində "Mercedes Gelandewagen” markalı cipin törətdiyi dəhşətli qəzanin təffərüatları və istintaqın gedişi haqda virtualaz.org saytına açıqlama verib. 

 

Açıqlamada qəzanın baş verdiyi ərazidə müşahidə kameralarının görüntülərinin araşdırıldığını və "Mercedes Gelandewagen” markalı yolsuzluq avtomobilinin sükanı arxasında məhz vətəndaş Nail Allahverdiyevin olduğu müəyyən edildiyini bildirib.

Adı çəkilən sürücü cinayət məsuliyyətinə cəlb olunacaq.

Xatırladaq ki, qəza avqustun 3-də axşam saatlarında Heydər Əliyev prospektində baş verib. 

"Gelandewagen” markalı maşın piyadanı və yolda dayanan iki türk vətəndaşını vurduqdan sonra yoldan çıxaraq alışıb. Nəticədə sürücü olduğu deyilən Mehdi Əliyev və piyada Vaqif Əsədov adlı piyada ölüb. 

Qəzaya uğrayan maşının baş nazirin müavini, Qaçqın və Məcburi Köçkünlərin işi üzrə Dövlət Komitəsinin sədri Əli Həsənovun nəvəsi Nail Allahverdiyevə məxsus olduğu, qəza zamanı onun da maşında olduğu iddia edilib. Lakin APA nazir müavinin nəvəsinin maşında olması və dünyasını dəyişməsi ilə bağlı yayılmış xəbərlərin həqiqəti əks etdirmədiyini açıqlamışdı.