Azərbaycan yollarında bir ilk: Xüsusi istirahət sahələri yaradılır – FOTOLAR

anews.az-ın "Azeravtoyol” ASC-yə istinadən verdiyi məlumata görə, bu layihə yeni inşa edilən Ələt-Astara avtomobil yolunda həyata keçirilir.

Bu addımın atılmasında məqsəd yolun yeni trassa üzrə inşa edilməsi, kənarlarının bağlı olması və yaşayış məntəqələrindən, demək olar ki, keçməməsidir.

Layihə üzrə müəyyən məsafələrdən bir bu cür istirahət  sahələrinin yaradılması nəzərdə tutulub. Artıq bununla bağlı olaraq yeni yol boyunca xüsusi ərazilər ayrılıb və məlumatverici lövhələr quraşdırılıb. 

İstirahət sahələrində parkinq yerləri, yanacaqdoldurma məntəqəsi, kafe, istirahət üçün yerlər, tualet, market və sair iaşə obyektləri yerləşəcək.