"Məni "Maşın şou"ya qatılmağa qoymurdu" - Vüsalə Əlizadə

Yeniçag.az-a açıqlama verən aparıcı səhhətinin yaxşı olduğunu bildirir:

"Mənə heç kim təzyiq göstərmədi. Özüm maşından əlimi çəkdim. Çünki 12 saat ayaq üstə dayanmaq hər adamın işi deyil. Hiss etdim ki, ayaqlarım şişir və əlimi çəkdim. Çünki sağlamlığım mənim üçün hər şeydən önəmlidir. Anam, bacılarım məni qoymurdu şouya qatılım, özüm istədim. Çox adamlar yazır ki, guya bu şou quramadır, əsla. Açığı, finala qədər gəlib çıxacağıma inanmırdım”.

V. Əlizadə sosial şəbəkədə haqqında yazılanlar bağlı bunları deyib:

"Soruşurlar ki, əgər səhhətin imkan verməyəcəkdisə, niyə yerini başqasına vermirdin? Deyirlər ki, gərək əlini götürüb gedəydin. Niyə getməliydim ki? Mən şouya ölü vəziyyətdə qatılmamışdım ki, səhhətim də pis olsun və əlimi götürüm gedim. Əziyyət çəkmişdim və maşın uğrunda mübarizə mənim də haqqım idi. Orda əjdahalar var idi. Finala çıxmağın özü də bir qələbədir”.