Azərbaycanlılar "ən varlı adamlar" siyahısında

Ukraynanın ən varlı adamlarının adları açıqlanıb. İstiPress-in Ukrayna mətbuatına istinadla verdiyi məlumata görə, ən varlıların siyahısını "Novoe Vremya" jurnalı "Dragon Capital" adlı investesiya şirkəti ilə birlikdə hazırlayıb. 

Siyahının ilk pilləsində Rinat ƏhmədovdurН. Onun sərvəti 6,9 milyard dollardır. Biznesmen öz sərvətini ötən illə müqayisədə 68 % artıra bilib. 

İkinci yerdə Viktor Pinçuk qərarlaşıb. Pinçuk var dövlətini 13 % artıraraq 1,4 milyard dollara çatdırıb. İlk üçlüyü eyni miqdarda sərvətlə Konstantin Jevaqo qapayır. 

Siyahıda daha bir maraqlı fakt qeyd edilib. Sən demə Ukraynanın ən varlı 23 şəxsi ölkə hüdudlarından kənarda dünyaya gəliblər. Top yüzlükdə yer alan ən varlılardan Azərbaycan, Ermənistan, Moldova və Özbəkistanda doğulanlar var. Hər ölkədə doğulan milyonçu sayı ikidir. Dörd biznesmen Qazaxıstan, 11-i isə Rusiya ərazisində dünyaya gəlib.

Lakin siyahıda bu ölkələrdə doğulanların adları və sərvətləri dəqiqliklə göstərilməyib.