Millimizin sabiq futbolçusu kriminal avtoritet imiş... - FOTOLAR

Qaynarinfo xəbər verir ki, yenicag.az adıçəkilən şəxslə bağlı bir sıra maraqlı məlumatlar əldə edib.

Məsələ burasındadır ki, Haqverdinin "Lotu Quli” ilə şəkil çəkdirməsi heç də təsadüfi deyil. Onun özü də kriminal aləmin nümayəndəsi hesab olunur. "Lotu Quli”yə yaxınlığı ilə bilinən Yusifov "qanuni oğru”nun "bratva”sıdır. Haqverdi isə bu aləmdə "Malış Dnepr” ləqəbi ilə tanınır.

Görəsən, millimizin sabiq futbolçusu kriminal aləmə necə üzv olub? Əzəldən onda belə bir maraq var idimi? Sayt bu suala aydınlıq gətirmək üçün həmin dönəm yığmada Haqverdi Yusifovun baş məşqçisi olmuş Adil Şükürovla əlaqə saxlayıb. O, açıqlamasında bunları dedi:

"O uşaq elə şeylərdən uzaq idi. Ola bilər ki, indi ətrafı dəyişib. Haqverdi əvvəllər "Neftçi” İSM-də olub, daha sonra "Bakı”ya keçmişdi. Sakit, kollektivə uyğunlaşan biri idi. Vurub-dağıtmağa meyilli olduğunu da görməmişəm. Danışdırsan danışardı, danışdırmayanda da dinməzdi”.