BŞBPİ-dən xəbərdarlıq: "Azyaşlılar mitinqə buraxılmayacaq"

Anews.az xəbər verir ki, idarənin rəis müavini, polis general-mayoru Səhlab Bağırov Unikal.org-a bildirib ki, Məhsul Stadionunun ətrafında polis postları qurulacaq, əraziyə avtomobillərin girişinə qadağa qoyulacaq. Təhlükəsizlik məqsədi ilə stadiona keçən vətəndaşların üstləri yoxlanılacaq.

O, əlavə edib ki, içəri yad əşya keçirilməsinə imkan verilməyəcək. Stadiona daxil olan vətəndaşlardan polis şəxsiyyət vəsiqəsi tələb etməyəcək. Əgər kiminsə yaşının 18-dən az olması ilə bağlı şübhə yaranarsa, həmin şəxslərdən sənəd tələb olunacaq.

BŞBPİ-nin rəis müavini qeyd edib ki, azyaşlılar stadiona- mitinq keçirilən əraziyə buraxılmayacaq. Mitinq bu gün saat 15:00-da Məhsul stadionunda keçiriləcək.