Ağstafa Təhsil Şöbəsinin müdiri Kamran Abbasov haqqında bilinməyənlər

Saytımızı məlumatlandıran mənbə bildirir ki, Ağstafa Təhsil Şöbəsinin müdiri Kamran Abbasov hələ Ağstafa Rayon İcra Hakimiyyətində İctimai-siyasi şöbəsinin müdiri işlədiyi dövürdə dələduzluq əməlinə görə dindirilməsi üçün Prokurorluğa çağırılıb.

Mənbə qeyd edir ki, Kamran Abbasov Gəncə şəhərində yaşayan yaxın qohumu ilə əlaqəyə girərək Ağsrafa rayon sakinin etibarından sui istifadə etməklə onun, Ağstafa Rayon Telekommunikasiya Qovşağına işə düzəltmək adı ilə xeyli miqdarda pulunu mənimsəmişlər. Aldadıldığını bilən dələduzluğun qurbanı aidiyyatı üzrə rayon prokurorluğuna müraciət edir. Şikayətlə bağlı material Ağstafa rayon Polis şöbəsinə göndərilir. Materialın araşdırılması İlkin adlı təhqiqatçıya tapşırılır. K. Abbasovun qohumu təhqiqatda verdiyi ifadəsində göstərib ki, işi düzəltmək üçün aldığı pulu rayon İcra Hakimiyyətindəki yaxın qohumu Kamran Abbasova verib. Qoumunun ifadəsinə əsasən Prokurorluğa çağırılan o zamankı Ağstafa Rayon İcra Hakimiyyətinin İctimai-siyasi şöbəsinin müdiri Kamran Abbasov Gəncədən olan yaxın qohumu ilə üzləşdirilir. Rayon Prokurorunun iştirakı ilə prokurorluqda keçirilən üzləşdirmədə Kamran Abbasovun Gəncədən olan yaxın qohumu ifadəsini təsdiq edərək aldığı pulu Kamran Abbasova verdiyini təsdiq edib. Hətta şikayətçi olan Ağstafa rayon sakini pulu məhs Kamran Abbasovu tanıyıb etibar etdiyi üçün verdiyini qeyd edib. 

O zamankı qanuni qüvvədə olan Cinayət Məcəlləsinin 178.2-ci maddəsi ilə ittiham irəli sürülən Ağstafa Rayon İcra Hakimiyyətinin İctimai-siyasi şöbəsinin müdiri Kamran Abbasov rayonda olan imicindən istifadə edərək məsləni ört-basdır edir. Saytımızı məliumatlandıran mənbə qeyd edir ki, şikayətçinin tələbinin ödənilib ödənilməməsi barədə ətraflı məlumat yoxdur.