Birinci vitse-prezidentin bu çağırışı… - Millət vəkili

Axar.az xəbər verir ki, İçərişəhərdə keçirilən bayram tədbirində millət vəkili Aprel zəfərinin ölkəmiz üçün önəmindən danışıb.

Q.Paşayeva gələcək nəslin Aprel qəhrəmanlarını tanıması üçün yeni yaradılan "Aprel 2016 Şəhid ailələrinə dəstək” İB təşkilatının təsisçilərini təbrik edib və onlara uğurlar diləyib.

O bildirib ki, Ali Baş Komandanın rəhbərliyi altında Qarabağın işğaldan azad olunacağı gün uzaqda deyil:

"İnşallah növbəti bayramlarımızı Prezident İlham Əliyevin rəhbərliyi altında birlik və bərabərlik içində işğaldan azad edəcəyimiz Dağlıq Qarabağda, Şuşada, Xankəndində və digər gözəl guşələrimizdə qeyd edək. Ölkəmizin Birinci vitse-prezidenti Mehriban Əliyevanın şəhid ailələrinə diqqət və qayğı çağırışı o deməkdir ki, sizlər bütün Azərbaycan üçün çox dəyərlisiniz”.

Təşkilatın həmtəsisçisiləri şəhid Raquf Orucovun həyat yoldaşı Sevinc Alızadə və tanınmış jurnalist Aida Eyvazlı çıxış edərək şəhid ailələrini hər zaman diqqətdə saxlayacaqlarını bildiriblər.