Gədəbəy RİH şəhid ailəsi adından prezidenti necə aldadır? - FOTOLAR

Gədəbəy rayon Arıqıran kənd sakini və şəhid ailəsi Allahverdiyeva Sədaqətin ikinci müraciətini dərc edirik.  

Sədaqət xanımın dediyinə görə, qızının evinin yanmasında başına gətirilən müsibətlər sonra bir daha Gədəbəy rayon icra hakimiyyəti saxtakarlığa əl atıb.

"27 noyabr 2017-ci il tarxində qızım Həsənova Pərvanənin evi elektrikdən qısaqapanma nəticəsində yandı.  Keçən dəfə qeyd etdiyim kimi bizə heç bir köməklik edilmədi. Vətəni, xalqı, sizləri, bizləri canı ilə qoruyan şəhid Həsənov Tofiqin ailəsini Gədəbəy rayon icra başçısı qapı arxasında qoydu. Bu edilənlər azmış kimi rayonda haqqımızda mənfi rəy formalaşdırmaq üçün təbliğat aparırlar” – deyə Sədaqət  xanım bildirir.  

Sədaqət Allahverdiyeva xüsusilə onu qeyd edir ki, bu günə kimi prezidentə  5 məktub ünvanlayıb, hamısı kömək və məmur özbaşınalığı haqqındadır. Amma prezidentin rəsmi saytında 13 dekabr 2017-ci il tarixində (evin yanmasından 14 gün sonra) mənim adımdan Gədəbəy rayon icra hakimiyyəti saxta təşəkkürnamə yazıb. Guya biz maddi və mənəvi köməklik üçün təşəkkür etmişik. Halbuki, bizə heç bir köməklik olunmayıb və elə bir məktub yazmamışıq. 

"Yazılan həmin o məktub bizim adımızdan Gədəbəy rayon icra hakimiyyətindən saxtakarlıq edilərək yazılıb və bunu yazmaqla prezidenti öz saxta məlumatları ilə aldadırlar.  Prezident İlham Əliyev hər çıxışında məmurlara xalqa düzgün xidmət etməyi tapşırır. Əfsuslar olsun ki, biz məmur qurban olduq” deyə Allahverdiyeva qeyd edir.