Tanınmış şair və jurnalist vəfat etdi

Kult.az xəbər verir ki, bu barədə mərhumun dostu, yazıçı-şair Zahid Sarıtorpaq bildirib.

Fəxrəddin Orxanın son şeirini təqdim edirik:

Səmadan endi dəvət,

"Gəl", - deyir,

Gəlləm əvət.

Mövlam verir ziyafət,

Bu yol hara aparır?

Yatıb gördüm röyamı,

Sel uçurtdu qayamı.

Günəşəmmi, Ayammı-

Bu yol hara aparır?

Söhbət bir candan gedir,

Ruh uçur, zindan gedir.

Oxdur - kamandan gedir,

Bu yol hara aparır?

Bu bir dünya düzümü,

Yola sallam özümü.

Kim bulacaq izimi-

Bu yol hara aparır?

Ölüm həyat ünüdür,

Tam kainat dinidir.

Təzə doğum günüdür? -

Bu yol hara aparır?

Qeyd edək ki, Fəxrəddin Orxan yaradıcılıq fəaliyyəti ərzində müxtəlif qəzetlərdə şeir və publisistik yazıları ilə çıxış edib, uzun illər məşhur qəzetlərin bölgə (Şamaxı) müxbiri kimi çalışıb.

Allah rəhmət eləsin!