Bakıda polis avtoşluq elədi

Report-un hadisə şahidi olan əməkdaşının verdiyi məlumata görə, aprelin 3-də saat 17.30 radələrində 90 AP 159 dövlət nişanlı Daxili İşlər Nazirliyinə məxsus PPX avtomobili Xətai rayonu Nobel prospekti ilə hərəkət edərkən işıqforun qırmızı işığından keçərək Süleyman Əhmədov küçəsindən Nobel prospektinə dönərək hərəkət edən avtomobillər üçün təhlükə yaradıb.

Xəbərdaredici siqnalı və sayrışan işıqları qoşulmadan manevr edən PPX avtomobili bir neçə avtomobilin hərəkət istiqamətinə çıxaraq qəza şəraiti yaradıb. Polis avtomobilinin sürücüsü yalnız təhlükəli manevr başa çatdıqdan sonra sayrışan işıqları qoşub.