"Saxta dərman satmaq ən böyük cinayətdir"

 

AzVision.az xəbər verir ki, bunu Yeni Azərbaycan Partiyası sədrinin müavini-icra katibi, baş nazirin müavini Əli Əhmədov jurnalistlərə açıqlamasında deyib.

Onun sözlərinə görə, Azərbaycanda da saxta dərman satışına qarşı mübarizə aparılır: "Bir neçə gün öncə huquq-mühafizə orqanları saxta dərman satışı ilə məşğul olan bir qurpu ifşa edib. Güman edirəm ki, bu, saxta dərman satışı ilə məşğul olanlar üçün ciddi zərbə olacaq. Bizim tövsiyyəmiz ondan ibarətdir ki, onlar saxta dərman satışı ilə məşul olmasınlar. Əvvəlcə bu insanların sağlamlığı üçün zərərlidir. Ikincisi isə buna qarşı Azərbaycanda ciddi mübarizə aparılır. Kimsə fəaliyyətini davam etdirəcəksə, onlar ifşa olunacaq və çox ciddi cəza alacaqlar”.

Ə.Əhmədov, həmçinin qeyd edib: "Saxtakarlıq heç kəsə baş ucalığı gətirmir. Xüsusən, dərman satışı ilə bağlı saxtakarlıq. Saxta dərman satışı ilə məşğul olmaq ən böyük cinayətdir. Buna qarşı hər birimiz mübarizə aparaq”, - deyə Ə.Əhmədov vurğulayıb.