Qəzada ölən gizirlə bağlı - Nazirlikdən açıqlama

"Qafqazinfo"nun sorğusuna cavab olaraq bildirilib ki, məzuniyyətdə olarkən öz şəxsi avtomobilində yol-nəqliyyat hadisəsi nəticəsində gizir Muradov Murad Məhəmmədəli oğlu və onunla avtomobildə olan qaynı, mülki şəxs Babayev Toğrul Zaman oğlu həlak olub.

Avtomobildə olan digər sərnişin, M.Muradovun qayınanası Babayeva Zöhrə Bəydadaş qızı ağır xəsarətlər alaraq xəstəxanaya yerləşdirilib.

Qeyd edək ki, qəza ilə bağlı ilk xəbər yayılanda ölən hər iki şəxsin hərbçi olduğu deyilirdi.