Talışinskinin qəzeti niyə bağlanı? -SƏBƏB
24.05.2018 12:23
"Exo” qəzetinin baş redaktoru və tanınmış jurnalist Rauf Talışinskinin ölümündən sonra onun rəhbərlik etdiyi qəzetin fəaliyyətini dayandıracağı bildirilirdi. Qeyd edilirdi ki, qəzetin və saytın bağlanmasına səbəb maliyyə çatışmazlığıdır.
Həmçinin kollektiv Rauf Talışinskinin ölümündən sonra başqa şəxsin baş redaktor olmasını qəbul etmir.
Qəzetin aqibəti necə oldu? "Exo” həqiqətən bağlanır?
Anews.az xəbər verir ki, Təsərrüfat və inzibati şöbənin müdür müavini Ramazan Bağırov modern.az-a açıqlamasında deyib ki, "Exo” qəzeti son buraxılışdan sonra fəaliyyətini dayandıracaq:
"Ayın 26-sı "Exo”nun son buraxılışı dərc olunacaq. Bundan sonra qəzet artıq bağlanır”.
Qeyd edək ki, respublikanın əməkdar jurnalisti, "Exo" qəzetinin baş redaktoru Rauf Talışinski (Talışinski Rauf Rəfail oğlu) ömrünün 62-ci ilində dünyasını dəyişib. "Exo” qəzeti isə 2001-ci ilin yanvarında təsis edilib və tək Azərbaycanda deyil, onun sərhədlərindən kənarda xüsusi populyarlıq qazanıb.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
