Zaqatalada zəlzələ zamanı ölən vətəndaşla bağlı AÇIQLAMA

Xəbər verdiyimiz kimi Zaqatala rayonunda güclü zəlzələ baş verib.


Bununla bağlı BiG.AZ-a açıqlama verən Zaqatala Rayon İcra başçısının birinci müavini Tofiq Əhmədov bildirib ki, aprelin 5-i 22:40 arası Zaqatalı şəhərindən 24 kilometr cənub istiqamətində 6 bala yaxın zələlə olub: "İnsanlar arasında ölən və yaralananlar yoxdur. Amma vətəndaşların fərdi yaşayış evlərində çatlar əmələ gəlib. Təsərrüfat obyektlərinin divarlarında uçma halları var. Hazırda komissiya işləyir. Dəymiş ziyan hesablanır.

Tofiq Əhmədov vurğulayıb ki, bəzi saytlarda yazılıb ki, qorxudan ölən var: "Amma onun zəlzələ ilə əlaqəsi yoxdur. Ola bilər zəlzələ olan zaman həyəcan keçirib. Ölən şəxs ürək xəstəsi olan1954 təvəllüdlü Qandaxov Soltan İsmayıl oğludur".

www.anews.az