Pərvin Abıyeva “Maşın”ın oyunçularını ifşa etdi: “Əlimi ona görə götürdüm ki…” – Video

"Məni bu günə qədər dəstəklədiniz, 5 nəfərə qarşı olanda, tək qoymadınız, səslər göndərdiniz.
Amma dünənki oyunda sizdən səs istəyə bilməzdim. Psixoloji cəhətdən özümü oyundan çıxmağa o qədər kökləmişdim ki, hətta son çıxışımı da hazırlamışdım. Bilmirəm ki, Roza xanım verdiyi hansı sözdən və hansı dostluqdan danışırdı”.
Publika.az xəbər verir ki, bu sözləri dünən oyunu öz istəyi ilə tərk edən aktrisa Pərvin Abıyeva deyib. Kino ulduzu bildirib ki, verilişdə dostu olmayıb:
"Sadəcə düzgün və ədalətli oyun aparırdım. Əlimi ona görə götürdüm ki, getmək istəyirdim və bilirdim ki, Uranın hədəfi mənəm. Odur ki, onun əli ilə deyil, məhz öz istəyimlə çıxdım. Onsuz da məni çıxaracaqdı. Ən əsası adım çəkilmədən oyunu özüm başı dik tərk etdim. 5 günlük mübarizəm, açdığım üzlər bu gün özünü göstərdi. Mənə lazım olan sizin sevginizi qazanmaq idi”.
Aktrisa daha sonra aparıcı Aytən Səfərova haqqında dediyi fikirlərə də aydınlıq gətirib:
"Sonda Aytən xanıma dediyim söz yanlış anlaşılmasın. "Çəkin qədər üzün var” deyərkən əsla onun bədəninin çəkisini tənqid etməmişdim. Ağırlıq demək istəmişdim, həyəcanıma keçin.
İstənilən halda bu, oyun idi və məqsədim də o idi ki, öz missiyamı yerinə yetirim. Bu verilişdə iştirak etməklə maşını udmaq yox, sadəcə keçən "Maşın” şouda itirdiyim reputasiyamı geri qaytarmaq istəyirdim. Oyunda hər şey mübahdır, amma bəzi məqamları çıxmaq şərti ilə. Tək mübarizə apardım və tək çıxdım. Heyf ki, əlimi götürdüm, amma Aytən yenə də çıxarıldı. Kaş ki, mübarizə sabah davam edərdi. Oldu keçdi”.

www.anews.az