Həkimdən şok:Hacı Nuranın yanına at gətirilməsi...

Axar.az xəbər verir ki, bu sözləri tanınmış həkim Vaqif Qarayev "Həyat” fondunun rəhbəri Hacı Nuranı xəstəxanada ziyarət edənlər haqqında qeyd edib. V.Qarayev onkoloji xəstələrin bu cür ziyarət edilməsinin yanlış olduğunu bildirib:

"Son günlər paylaşılanlar xəstənin reklamı üçündürsə, normal məntiqlə fikirləşsək, xəstə niyə reklam olunsun ki?! Yox, klinikanın reklamı üçündürsə, son dərəcə uğursuz reklamdır. Onkoloji problemi olan xəstənin yanına nəinki at(heyvan), heç o qədər insan da buraxmazlar. Hələ müxtəlif infeksiya mənbəyi olan gül çələnglərini demirəm”.

Qeyd edək ki, "Həyat” fondunun rəhbəri Hacı Nuran Hüseynovu müalicə aldığı xəstəxanada ziyarət edən şəxslər palataya at gətirmişdilər. Onların bu hərəkəti sosial şəbəkələrdə sərt tənqid olunmuşdu.