Xanlar Vəliyev qardaşına sui-qəsddən danışdı - ŞOK FAKTLAR

Gəncə Şəhər İcra Hakimiyyətinin sui-qəsdə məruz qalan başçısı Elmar Vəliyevin dünən gecə saatlarında İsrailə aparılması ilə bağlı məlumat yayılıb. Yayılan xəbərdə onun müalicə reabilitasiya məqsədi ilə İsrailə aparıldığı qeyd edilib.

Bizimyol.info əməkdaşı yayılan xəbərlə bağlı, eyni zamanda Elmar Vəliyevin məsələsinin ölkə gündəmini zəbt etdiyini nəzərə alaraq icra başçısının qardaşı, Azərbaycan Respublikası Baş Prokrorunun müavini, Azərbaycan Respublikasının Hərbi prokroru Xanlar Vəliyevlə əlaqə saxlayıb. O, sayta açıqlamasında yayılan məlumatın yalan olduğunu bildirib. O eyni zamanada qardaşına edilən sui –qəsdlə bağlı da danışıb.

"Hazırda vəziyyəti yaxşıdır. İsrailə aparılması ilə bağlı məlumat birmənalı yanandır. Harda olmasının fərqi yoxdu, əsas odur ki, yaxşıdır. İnşalah daha da yaxşı olacaq. Mənim qardaşım bir dövlət məmuru kimi çalışıb və dövlətinə sədaqətlə xidmət edib. Onun bütün xidmətləri göz qabağındadır. Gəncə bu gün dünyanın inkişaf etmiş şəhərləri içərisindədir. Sösüz ki, bu ölkə Prezidentinin də diqqəti qayğısıdır. Hər kəs Allahı ilə işini görsün. Elmar Vəliyevə heç kim şəxsi məsələlərə görə qəsd eləməyib. Gəncəlilər hər zaman onu sevib, bu gün də sevir.”

"Qaldı ki, Elmar Vəliyevə qəsd bu radikal dinçilərin işidir. O adamın özünün anası ermənidi və Rusiyanın xüsusi xidmət orqanlarında çalışır. İndi bundan nəticə çıxarın. Gülmək, ağlamaq, hirslənmək, xoş söz demək və s. insani emosiyalardır, bu, mümkün olan şeydi. Bizim ailəmizdə aldığımız tərbiyə heç vaxt imkan vermir ki, kimisə söyəsən və ya vurasan, döyəsən…Biz qanunlara hörmətlə yanaşan adamlarıq. Bizim babamız Quranı başdan ayağa oxuyub, tərcümə edirdi, amma biz heç vaxt möhümatçı olmamışıq. Həmişə də bizə deyib ki, Allaha inanın, dinə inanın.