"Patron" dan alıcılara "möhtəşəm" hədiyyə: içindən elə bir şey çıxdı ki... - FOTOFAKT

anews.az qaynarinfo-ya istinadən xəbər verir ki, Şabran şəhər sakini uduşlu olduğu üçün "Patron" tumunu aldığını, lakin tumun qabını açarkən bəxtinə it nəcisi çıxdığını bildirib.

Bu, "Patron" tumlarının hansı şəraitdə qablaşdırıldığının bariz nümunəsidir.

Qeyd edək ki, Tərtər rayonunda istehsal olunan "Patron” tumlarının üstündəki reklamdan aydın olur ki, istehsalçı alıcılara uduşlu lotereya qazanmaq fürsəti verir. Amma görünür "Patron”un içindən çıxan da elə binəva istehlakçıya özünəməxsus bir "hədiyyədir”...

Məsələyə aydınlıq gətirmələri üçün "Patron" şirkəti ilə əlaqə saxladıq. Lakin şirkətin Elvin adlı nümayəndəsi bununla bağlı ağlabatan bir açıqlama vermədi.