Şuşanı belə erməniləşdirirlər - FOTOLAR

Qarabağdakı erməni separatçıları Azərbaycanın qədim qala şəhəri Şuşaya Ermənistandan və xaricdən turist cəlb edirlər.

ANN.Az Modern.az-a istinadən xəbər verir ki, Azərbaycanın qədim mədəniyyət mərkəzi olan Şuşadan yeni fotolar yayılıb. 

Fotolardan görünür ki, ermənilər şəhərdə bərpa işləri aparır və az qala bu qədim şəhərin hər daşında erməni xislətini əks etdirən bir iz buraxırlar. Separatçı rejim Şuşada erməni kilsəsini bərpa edib bu cəlb edilən turistlərə şəhərin ən populyar yerlərindən biri kimi sırımaq niyyətindədir. Bu məlumatlarda maraqlı bir məqam var. Ermənistan KİV-i Şuşanı 1832-cü ilə kimi Qarabağ xanlığının paytaxtı kimi təqdim edir. Digər məlumatda qeyd edilir ki, 1920-ci ilə qədər Şuşada müxtəlif vaxtlarda 22 qəzet nəşr olunub ki, bunun yalnız 2-si erməni, 2-si rus dilində olub. Göründüyü kimi, ermənilər tarixi faktlarla Şuşanın qədim Azərbaycan şəhəri olduğunu dana bilmirlər.

Məlumatda qeyd edilir ki, indi Xankəndidən Şuşaya vaxtaşırı komfortlu avtobuslar işləyir.

ANN.Az