Azərbaycan polisi əməliyyat keçirdi – 3 nəfər həbs olundu

Anews.az teleqraf.com-a istinadən xəbər verir ki, hüquq-mühafizə orqanları əməkdaşları tərəfindən keçirilən əməliyyat nəticəsində rayon ərazisində qumarxana təşkil etməkdə şübhəli bilinən Nazim Dəmirov, İsam Yolçuyev və Elcan Dəmirov həbs edilib.

 

Məlum olub ki, onlar rayon ərazisində çay evlərindən birində qanunsuz olaraq qumarxana təşkil ediblər.

Nazim Dəmirov, İsam Yolçuyev və Elcan Dəmirovun barəsində Cinayət Məcəlləsinin 244-1.2.2-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən qumarxana təşkil etmə və ya saxlama) maddəsi ilə ittiham elan edilib.

İstintaq orqanı hər üç şəxs barəsində həbs qətimkan tədbirinin seçilməsi üçün Nərimanov rayon Məhkəməsinə təqdimat göndərib.

Hakim Samir Məmmədovun sədrliyi ilə aparılan araşdırma zamanı təqdimat təmin olunub.