Torpaq alarkən ilk nəyə diqqət etməliyik? - Ekspert rəyi

"Hansısa şəxs torpaq alarkən ilk olaraq diqqət etməlidir ki, torpağın Daşınmaz Əmlakın Dövlət Reyestri Xidməti tərəfindən təsdiq olunan çıxarışı var, yoxsa yox.

Çıxarışı yoxdursa, deməli, həmin torpaqları almaq risklidir. Çünki bələdiyyələr özlərinə aid olmayan torpaq sahələrini satırlar. Daha sonra vətəndaş həmin torpağa çıxarış almaqda çətinliklərlə qarşılaşır. Buna görə torpaq alan zaman mütləq çıxarışı olan torpaq almaq lazımdır. Hüququ təsdiq edən yeganə sənəd çıxarışdır".Bunu ANN.Az  MBA Group" konsaltinq şirkətinin baş direktoru, tanınmış ekspert Nüsrət İbrahimov öz açıqlamasında bildirib.Ekspert onu da qeyd edib ki, mövcud standartlar çərçivəsində qonşu ilə ara məsafəsi gözlənilirsə, tikintiyə icazə üçün torpaq sahəsinin minimal həddi yoxdur. N. İbrahimov problemli torpaq satan şəxslərdən də danışıb: "Neft Şirkətinə məxsus əraziləri və ya sənədsiz torpaqlar satan şəxslər barəsində hüquqi müstəvidə ölçü götürülə bilər. Çünki onlar vətəndaşı aldadaraq ona ziyan vurur".Tofiq ƏliANN.Az