İcra hakimiyyəti xüsusi komissiya yaratdı - Yağışlarla bağlı

Dünən gecə yağan güclü yağış nəticəsində Nərimanov rayonunda yerləşən tikililərin su altında qalması ilə bağlı rayon icra hakimiyyəti açıqlama verib.

“Qafqazinfo”ya daxil olan məlumatda bildirilir ki, Bakı şəhərində son günlər yağan aramsız yağışlar səbəbindən həmin ərazilərdə qalmaqda olan qanunsuz tikilmiş yaşayış evlərin və digər obyektlərin zərər çəkdiyini nəzərə alaraq, təbii fəsadların ağır nəticələrinin aradan qaldırılması və sakinlərin üzləşdiyi problemlərin operativ həlli məqsədilə Nərimanov Rayon İcra Hakimiyyətinin nəzdində xüsusi komissiya təşkil olunub.Komissiya tərəfindən xüsusi geyimlərlə, suçəkən maşın və nasoslarla təchiz olunmuş işçi briqadaları yaradılıb.Hazırda, Fövqəladə Hallar Nazirliyinin müvafiq qurumları ilə əlaqəli şəkildə qeyd olunan ərazilərdə kanalizasiya xətlərinin olmaması və ya lazımi qaydada işləməməsi səbəbindən su basmış ərazilərdən suyun çəkilməsi istiqamətində müvafiq işlər aparılır.Sakinlərdən bu və ya digər problemlərlə bağlı Nərimanov Rayon İcra Hakimiyyətinin qaynar xəttinə (1643) müraciət etmələri xahiş olunur.ANN.Az