Rəşid Mahmudovun səhhəti ilə bağlı yoldaşından AÇIQLAMA

Xəbər verildiyi kimi, tanınmış həkim, ictimai xadim, tibb elmləri namizədi Rəşid Mahmudovun səhhətində problem yaranıb, reanimasiyaya yerləşdirilib. Müalicəsi Azərbaycan Tibb Universitetinin Tədris Cərrahiyyə Klinikasında davam etdirilir.

 

Yeniavaz.com  Rəşid Mahmudovun səhhətinin hazırki vəziyyəti ilə maraqlanmaq üçün onun həyat yoldaşı ilə əlaqə saxlayıb. Yoldaşı Rəşid müəllimin səhhətinin yaxşılaşdığını, indi özünü yaxşı hiss etdiyini deyib: "Bu gün vəziyyəti yaxşıdır, özünü normal hiss edir. Həkimi də bildirir ki, ciddi problemi yoxdur".

Rəşid müəllimin yoldaşı narahatlığa ciddi əsas olmadığını bildirib: "Çoxlu zənglər gəlir, hamı maraqlanır. İnsanların həssaslığını başa düşürəm, amma Rəşid müəllimin vəziyyəti yaxşılaşdığı üçün artıq reanimasiyadan çıxarılıb və palataya köçürülüb".

Yoldaşı Rəşid Mahmudovun hansı xəstəlikdən əziyyət çəkməsi barədə çox danışaq istəmədiyini deyib.

Azərbaycan Tibb Universitetinin mətbuat xidmətinin rəhbəri Günel Aslanova isə Yeniavaz.com-a açıqlamasında Rəşid müəllimin şəxsən ziyarətinə getdiyini bildirib: "Həkimi ilə də danışdım, özünün vəziyyəti ilə maraqlandım, yaxşıdır. Reanimasiyadan çıxarılıb, palataya köçürülüb, özünü yaxşı hiss edir".

Günel Aslanova jurnalistlərin tez-tez zəng vurub Rəşid Mahmudovun vəziyyəti ilə maraqlandığını da deyib.

Qeyd edək ki, tanınmış həkimin mədəaltı vəzində problem olacağı, əməliyyat ediləcəyi bildirilirdi.