Sürücülər mütləq oxusun!

Qış fəsli yaxınlaşdıqca sürücülər avtomobillərində bəzi dəyişikliklər etməlidir.

Belə ki, yağışlı, qarlı havalarda baş verə biləcək qəzanın qarşısını öncədən almaq, xoşagəlməz hadisələrlə qarşılaşmamaq üçün mütləq avtomobil üçün vacib olan işlər görülməlidir.

Mövzu ilə bağlı Metbuat.az-a açıqlama verən texniki məsləhətçi Əli Sultanov bildirib ki, qışa doğru sürücülər avtomobillərinin təkərlərini mütləq yeniləməlidirlər:

"Havalar artıq soyumağa başlayıb, bir azdan havanın temperaturu mənfiyə enəcək. Avtomobilin şüşələrini təmizləyən suya mütləq donmaya qarşı olan maye - antifriz əlavə etmək lazımdır. Bu dəqiqə avtomobil üçün ən aktual məsələlərdən biri antifrizdir.

Digər vacib məsələ avtomobilin təkərləriylə bağlıdır. Təkərlər mütləq yenilənməldir. Çünki yağışlı, soyuq havalarda yollar sürüşkən olur. Avtomobilin sürüşməməsi təkərdən asılıdır.

Yağışlı havalarda çalışmaq lazımdır ki, sürət həddi maksimum dərəcədə aşağı olsun. Çünki asfalt yaş olanda sürüşmə birə iki artır. 50-60 km/saat sürətlə gələn avtomobil təkəri yaxşı olan halda 10 metrdə dayana bilirsə, təkəri pis olan avtomobillərdə bu məsafə 15-20 metr olur. Bu da qəza riskini artır. Ona görə, sürücülərə avtomobillərinin təkərlərini yeniləmək tövsiyə olunur”.