Erməni əsgər: "Azərbaycanlılar bizi "Vazgen" deyə çağırırdılar..."

Yenicə döyüş mövqeyindəki növbəsindən evinə dönmüş müqavilə ilə xidmət edən erməni əsgərlərdən biri yaşadığı məntəqədəki sakinlərlə söhbət edərkən üzbəüz mövqelərdə dayanan Azərbaycan hərbçilərinin onları istehza ilə necə çağırmalarından danışıb. 


Moderator.az yazır ki, bu haqda işğalçı ölkənin nəşrlərindən biri məlumat yayıb. Məlumata görə, erməni hərbçi soydaşlarına deyib:” Əvvəllər Azərbaycan hərbçiləri bizi uzaqdan "Vazgen” deyə çağırırdılar. Son vaxtlar isə bizləri istehza ilə "Nikol” deyə səsləyirlər...”


Xatırladaq ki, Vazgen - ermənilərin I Qarabağ savaşı illərində də erməni kilsəsinin başında durmuş (1955-1994)   məşhur katolikoslarının – baş keşişlərinin adı olub. О dövrdən bu günədək Azərbaycanda, o cümlədən döyüşçülər arasında ermənilərə verilmiş ümumi ad kimi işlənməkdədir...

www.anews.az