Mehdiabadda qəbiristanlıq sökülür? - VİDEO

Redaksiyamıza Abşeron rayon Mehdiabad qəsəbəsində qəbiristanlığın sökülməsi ilə bağlı informasiya daxil olub.

Oxucunun verdiyi məlumata görə, qəsəbədə yerləşən qəbiristanlıq sökülür və əvəzində obyekt tikilir. 

Məsələni araşdırmaq məqsədilə Oxu.Az Abşeron Rayon İcra Hakimiyyəti ilə əlaqə saxlayıb.

İH-dən bildirilib ki, ərazidə heç bir obyekt tikilmir:

"Ərazi abadlaşdırılır, qəbiristanlığın hasarı artırılır. Orada heç bir ağac kəsilməyib və kəsilməsi də nəzərdə tutulmayıb. Əksinə, ərazidə RİH tərəfindən çoxlu ağac əkilib”.