Mübariz İbrahimovun anası sağdır — Evindən foto

İki gün öncə ölüm xəbəri yayılan Azərbaycanın Milli Qəhrəmanı Mübariz İbrahimovun anası Şamama xanım sağdır.

Anews.az "Ölkə.Az"-a istinadən xəbər veriri ki, Müşfiq Malik adlı sosial şəbəkə istifadəçisi qəhrəmanın ailəsinə baş çəkib və bunları yazıb:

"Milli qəhrəman Mübariz İbrahimovun ata yurdunda qonaq oldum, anası Şamama xalanı ziyarət etdim.  Şamama anamızı sağlam gördüm, çox sevindim. O, bizimçün Mübarizin əmanətidir. Xalqımızın narahat olduğunu söylədim, o, da hər kəsə, minnətdarlığını və salamlarını çatdırdı. Mübarizin atası Hacı Ağakərim dayı ilə də söhbətləşdik, olanlardan, keçənlərdən danışdıq. Allah sizi bu millətə çox görməsin, əziz və dəyərli insanlar, Mübarizin yadigarları. Yanımızdakı bala qız da Mübarizin qardaşı Rəşadın qızıdır. Allah saxlasın, bu balanı da".

Qeyd edək ki, bəzi saytlar qəhrəmanın anasının ölüm xəbərini yaymışdılar.