Bakıda kafe sahibindən gözlənilməz addım - hamısını bir-bir sındırdı - VİDEO

Bakıda fəaliyyət göstərən kafelərdən birinin sahibi müştərilərə verdiyi 15 qəlyanı etiraz məqsədilə sındırıb. O, bu addımı ilə insanları qəlyandan istifadə etməməyə çağırış edib.

Kafe sahibi xüsusən də gəncləri qəlyandan imtinaya çağırış etmək məqsədilə bir vaxtlar istifadəyə verdiyi 15 qəlyanı sındırdı.

Maraqlı hadisə paytaxtda fəaliyyət göstərən kafelərdən birindəbaş verib. Kafe sahibi qəlyandan istifadənin qarşısını almaq üçün 15 qəlyanı sındırıb. Kafenin nümayəndəsi Uçar Osman deyir ki, sındırılan qəlyanların ümumi qiyməti 1500-2000 manat arasında olub.

Kafe nümayəndəsi deyir ki, qəlyan ondan istifadə etməyən müştərilər üçün narahatlıq yaradır. Əksər restoran və kafelərdə bir müştəri yemək və çaydan istifadə etdiyi halda qonşu masada əyləşən müştərilər isə qəlyandan istifadə edirlər. Bu zaman qəlyanın tüstüsü ətrafa yayıldığından digər müştərilər də öz narahatlıqlarını bildirirlər.

Uçar Osman deyir ki, əsasən gənclər ilk vaxtlar qəlyandan istifadə etdikdən sonra siqaret çəkməyə də meyilli olurlar. Elə bu kimi halların qarşısını almaq üçün kafe sahibi belə bir addım atıb.

Həkimlər də bildirirlər ki, qəlyandan istifadə aslılıq yaratmaqla yanaşı insan orqanizimində bir sıra xəstəliklarina yaranmasına təkan verir.