Bakını qara maskalı qızlar bürüyüb - Nə özəlliyi var?
01.12.2018 20:03
Havaların soyuq keçməsi və kəskin virus respirator xəstəliklərin yayılması ilə əlaqədar insanların birdəfəlik tibbi maska taxması da aktuallaşır. Şəhərdə, nəqliyyatda çəkinmədən ağzında tibbi maska gəzdirən gənclərə daha sıx rast gəlmək olar.
Adətən tibbi maskanı 3 məqsədlə taxırlar:
- İnsan özü xəstələnibsə, digərlərini qorumaq və eləcə də xəstəliyin daha da ağırlaşmasının qarşısını almaq;
- Hər hansı əməliyyatdan sonra ağız, burun hissəni örtmək, qorumaq;
- Eləcə də onkoloji və leykoz xəstələri hər hansı mikroba tutulmamaq və sterilliyi qorumaq məqsədilə bu maskalardan istifadə edir.
Maskaların təsir müddəti cəmi bir neçə saatdır.
Son günlər isə şəhərdə əvvəl adət etdiyimiz ağ tibbi maska əvəzinə qara rəngdə maska taxan gənclərə rast gəlirik və sanki qara maska taxmaq trend halını alıb.
Qara maska ilə ağ maskanın fərqi nədir və hər hansı özəlliyi varmı?
Anews.az medicina.az-a istinadən bildirir ki, qara maskanın özəlliyini öyrənmək üçün apteklərlə əlaqə saxlanılıb. Əslində qara rəngdə tibbi maskanın ağdan heç bir fərqi yoxdur. Hər ikisi 10 qəpikdir, materialı eynidir, heç bir üstün cəhəti ilə seçilmir. İnsanların qara maska seçməsinin əsas səbəbi geyimləri ilə uyğunluq təşkil etmək istəyidir. Belə ki, ağ rəng qış aylarında daha çox gözə çarpır. İnsanlar isə qışda geyimləri adətən tünd və qara rənglərdə seçirlər. Buna görə də qara maska anidən trendə çevrilib.
Qara rəng maskalarla bağlı müxtəlif fikirlər səsləndirilir. İnsanlar qara maskanın gənclər tərəfindən fərqli görünmək üçün istifadə edildiyini düşünür. Gənclər isə ağ rəng maskada özlərini narahat hiss etdiklərini bildirirlər.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 22:08
Media və Yayım Şurası Türkiyə mediasında Azərbaycanla bağlı yayılan iddialara münasibət bildirib
Foto
Video
