Azərbaycanlı yazıçı şallaqlandı – Qəribə ittiham

Güney Azərbaycandan olan tanınmış yazıçı-jurnalist Məhəmməd Hüseyn Sodagər barəsində hökm icra olunub.

Anews.az teleqraf.com-a istinadən xəbər verir ki, yazıçı İran məhkəməsinin qərarı ilə şallaqlanıb.

Ona Xoy həbsxanasında 76 şallaq zərbəsi vurulduğu bildirilir.

Bundan əvvəl Xoy Şəhər Şurasının rəisi Məcid Müqəddəm Məhəmməd Hüseyn Sodagər haqda aidiyyəti qurumlara şikayət etmişdi.

Yazıçı şura rəisinin doktorluq diplomunun olmadığını iddia eləmişdi. Bubu böhtan və isbat edilməmiş iddia kimi qiymətləndirən məhkəmə Sodagər barəsində şallaqlama hökmü vermişdi.

Hökmün icrası Güney Azərbaycandan olan milli-mədəni fəalların etirazına səbəb olub.