Varlı insanlar kasıblardan 9 il çox yaşayır

Luvenski Katolik Universitetinin alimləri "belçikalıların ölümə qarşı bərabərliyinə" dair məsələni tədqiq ediblər

Interfax informasiya agentliyi xəbər verir ki, tədqiqatın nəticələri imkanlı siniflərin və kasıb əhalinin səhhəti arasında təzadların "varlı və sağlam olmaq daha yaxşıdır" deyiminin doğruluğunu təsdiqləyir. Belə ki, ömrün gözlənilən uzunluğu varlılara nisbətən kasıb qadınlarda 6,6 il, kişilərdə isə 9,1 il qısadır.

1991-2016-cı illər ərzində əhalinin milli registrinə daxil edilən fərdi məlumatları, həmçinin 1991, 2001 və 2011-ci illərdə keçirilən siyahıyaalmanın nəticələrini və ölüm haqqında şəhadətnamələri araşdıran alimlər sosial siniflər arasında böyük fərqlərin mövcud olduğunu müəyyən ediblər. Tədqiqatların nəticələrinə əsasən, daha yaxşı sosial-iqtisadi vəziyyətdə olan, daha yüksək təhsil səviyyəsinə malik və daha keyfiyyətli mənzillə təmin olunan insanlar sosial təminatın digər tərəfində olanlara nisbətən xeyli çox yaşayır.(AZƏRTAC)