Piyadanı vurub qaçan sürücü saxlanıldı

Saatlıda piyadanı vuraraq hadisə yerindən qaçan sürücü saxlanılıb.

Anews.az xəbər verir ki, hadisə ötən gün axşam saatlarında rayonun Qıraqlı kəndində baş verib.

Kənd sakini Eldəniz Babayev yolu keçmək istəyərkən naməlum avtomobil onu vuraraq hadisə yerindən uzaqlaşıb.Müxtəlif dərəcəli bədən xəsarətləri alan yaralı hadisə şahidlərinin köməkliyi ilə xəstəxanaya çatdırlıb.

Saatlı Rayon Polis Şöbəsinin Dövlət Yol Polisi Bölməsi əməkdaşları tərəfindən hadisəni törətməkdə şübhəli bilinən rayon sakini Elşən Ağazadə saxlanılıb.

Faktla bağlı Saatlı RPŞ-də araşdırma aparılır.