Dəniz özüllərində vəziyyət stabildir - RƏSMİ

Dəniz özüllərində vəziyyət stabildir. Hava şəraiti tədricən normallaşır. Daha əvvəl təxliyyə edilmiş həmkarlar günün ikinci yarısından etibarən özüllərə qayıtmağa başlayacaq və fəaliyyətlərini adi qaydada davam etdirəcəklər.

Bu barədə Anews.az-a SOCAR-dan məlumat verilib.

Qeyd edək ki, ötən gecə dəniz özüllərimizdə qasırğanın şiddəti 144 km/saat (40 m/saniyə) həddinə yüksəlib, bəzi yerlərdə dalğanın hündürlüyü 10 metrdən çox olub.