20 Yanvar günü tankın altında qalaraq ağır yaralanan alim həmin gün vəfat etdi – Acı təsadüf

AMEA Aşqarlar Kimyası İnstitutunun aparıcı elmi işçisi, kimya üzrə elmlər doktoru, böyük kimyaçı alim, dəyərli elm adamı, səmimi və mehriban insan İdris Əhmədov vəfat edib.

Anews.az "azrdu.az"a istinadən xəbər verir ki, bu barədə AMEA-nın Gənc Alim və Mütəxəssislər Şurasının sədri, fəlsəfə doktoru Əfsun Şucayev bildirib. O, vurğulayıb ki, "Qanlı 20 Yanvar" faciəsində ölümlə burun-buruna qalan alim məhz 29 ildən sonra elə bu gün dünyaya vida deyib:

"Bu gün çox üzücü bir xəbər aldıq. Azərbaycan elmi ictimaiyətinə böyük itki üz verib.

Bakı Dövlət Universitetinin Üzvi kimya kafedrasının professoru, AMEA Aşqarlar Kimyası İnstitutunun aparıcı elmi işçisi, kimya üzrə elmlər doktoru, böyük kimyaçı alim, dəyərli elm adamı, səmimi və mehriban insan İdris Əhmədov vəfat edib.

Məlumat üçün bildirək ki, İdris müəllim "Qanlı 20 Yanvar" faicəsinin ağır acısını yaşamış bir insan olmuşdu.

Belə ki, 1990-cı il yanvarın 24-də vəhşiləşmiş, qəddar sovet tankçıları tərəfindən Azərbay­canın görkəmli kimyaçı alimlərinin minik maşının əzib keçmiş və avtomobildə olan kimya elmləri doktorları İbrahim İbrahimov, İsmayıl Mursaqulov, Svetlana Məmmədovanın ölümünə,

İdris Əhmədov və Parlaq Mustafayevanın ağır yaralanmasına səbəb olmuşdur. Uzun müddətli müalicədən sonra sağala bilən İdris müəllim məhz o dəhşətli hadisədən 29 il sonra dünyasını dəyişdi".