Atası kimi o, da torpaq uğrunda şəhid oldu - Leytenant Baxışlı...

Atası kimi o, da torpaq uğrunda şəhid oldu.


Moderator.az xəbər verir ki, bu gün şəhid leytenant Allahverdi Əbülfəz oğlu Baxışlının doğum günüdür. A.Baxışlı 1991-ci ilin bu günü Hacıqabul rayonunda anadan olub. Ailədə bir bacı və qardaş olan Baxışlı ailəsinin başçısı Əbülfəz Baxışlı Qarabağ uğrunda gedən döyüşlərdə şəhid olub. 


Atasının yolunu davam etdirəcəyini deyən Allahverdi orta məktəbi bitirdikdən sonra Cəmşid Naxçıvanski adına hərbi liseyə daxil olur. Liseyi bitirdikdən sonra təhsilini davam etdirmək üçün Heydər Əliyev adına Ali Hərbi Məktəbə daxil olur. Təhsilini başa vurduqdan sonra leytenant Allahverdi Baxışlı zabit kimi Silahlı Qüvvələrimizdə xidmətə başlayır. 


Allahverdi atasından sonra ailənin bütün yükünü öz çiyninə götürür, çünki evin tək oğlu idi, bir bacısı var. Çox təəssüf ki, Allahverdi Baxışlı 2014-cü il sentyabrın 27-də düşmən təxribatının qarşısını alarkən qəhrəmancasına şəhid olur. 


Şəhidimizə atası kimi torpaq uğrunda şəhid olmaq qismət olur. O, böyük izdihamla doğulduğu rayonda böyük izdihamla dəfn edilir. 


Allah cəmi şəhidlərimizə rəhmət eləsin!


www.anews.az