Araz Ağalarov və oğlu ABŞ məhkəməsinə müraciət etdi - Konqresmenlər isə onlardan xahiş edir ki...

Rusiyalı biznesmen Araz Ağalarov və oğlu Emin yenidən ABŞ məhkəməsinə müraciət edərək Demokratlar partiyasının Milli komitəsinin onlara qarşı qaldırdığı iddianın rədd edilməsini xahiş ediblər.

Hurriyyet.org virtualaz.org-a istinadən xəbər verir ki, demokratların Milli komitəsinin ötən il qaldırdığı mülki məhkəmə iddiasına əsasən Ağalarovlar da daxil olmaqla bir neçə rusiyalı, o cümlədən Donald Trampın kürəkəni Cared Kuşner, müşavirləri Corc Papadopulos, Rocer Stoun, WikiLeaks saytı və onun qurucusu Culian Assanc ə digərləri 2016-cı il Amerika seçkilərinə müdaxiləyə görə cavabdehlik daşımalıdır. Bu şəxslər əlbir olaraq partiyanın seçki qərargahına kibermüdaxilədə və prezident seçkiləri kampaniyası zamanı elektron məlumatların ələ keçirilməsində ittiham olunurlar.

ABŞ məhkəməsi bu iddianı baxılmaq üçün qəbul edib və prosedura görə iddianın nüsxələrini cavabdehlərə də göndərib. Lakin iddianı Ağalarovla çatdırmaq mümkün olmamışdı.