Məşhur geyim brendi Azərbaycanın adından erməni mahnısını tərifləyib? - FOTO

Ötən gün Ermənistan "Avroviziya" mahnısını təqdim edib.

Milli.Az xəbər verir ki, Youtube-da mahnıya yazılan rəylər diqqət çəkib. Bir neçə rəydə "həmyerlimiz" Ermənistanın mahnısına "Azərbaycandan uğurlar" yazıb.

Həmin şəxslərin profillərinə daxil olduqda görünür ki, hesablar saxtadır, sadəcə, Azərbaycan adlarından istifadə edilib.

Ən diqqət çəkən məqam isə "Defacto team" adlı səhifədən gələn rəy olub. Belə ki, "Good luck from Azerbaijan jan" sözləri yazılıb, yanında da Azərbaycan-Ermənistan bayraqları yanaşı qoyulub.

Hesaba daxil olduqda saxta olduğu aşkar görünür. Hətta o qədər gülməli vəziyyət yaranıb ki, əcnəbi izləyicilər də vəziyyəti başa düşərək həmin rəyə cavab olaraq "Azərbaycandan uğurlar?" kimi suallar yazıblar. Amma rəyə inanıb sevinənlər də olub.

Qeyd edək ki, "Defacto" Azərbaycanda da satış həyata keçirən məşhur paltar brendlərindən biridir.