"Bu yaxınlarda ana olmuşdu..." - Faciəvi qəzada dünyasını dəyişən Şəhla haqda yeni faktlar

Xəbər verdiyimiz kimi, Bakı-Sumqayıt yolunda ölümlə nəticələnən avtoqəza baş verib. Quba rayon sakini Paşayeva Şəhla Nadir qızı "KİA” markalı avtomobillə paytaxtdan Abşeron rayonunun Masazır qəsəbəsi istiqamətində hərəkətdə olarkən idarəetməni itirib.

Qəza nəticəsində vəfat edən Paşayeva Şəhla Nadir qızının müğənni olduğu bildirilib. Lakin əldə etdiyimiz məlumata görə həmin xanım müğənni yox, saç ustası işləyib. Bu haqda BiG.AZ-a mərhumun tanışı olduğunu bildirən Fəridə adlı xanım məlumat verib. O bildirib ki, qəzada dünyasını dəyişən Şəhlanın müğənniliklə əlaqəsi yoxdur:

"O, Moskva univermağı deyilən ticarət mərkəzində gözəllik salonunda çalışıb. Saç ustası idi. Ailəli idi, iki övladı var idi. Bu yaxınlarda oğlu dünyaya gəlmişdi. Körpənin hələ bir yaşı tamam olmayıb. Anasına da özü baxırdı. Mətbuatda yazılıb ki, maşını sürərkən içkili olub. Amma bildiyim qədərilə Şəhla içki içən xanım deyildi".