Futbolçunun təyyarə qəzasında ölümü ilə bağlı yeni təfərruatlar üzə çıxıb

Argentinalı futbolçu Emiliano Salanın təyyarə qəzası zamanı ölümü ilə bağlı yeni təfərruatlar üzə çıxıb.

Pilot Devid İbbotsonun daltonik olduğu, rəngləri seçə bilmədiyi müəyyənləşib. Aviasiya qaydalarına əsasən, bu cür pilotlara sutkanın qaranlıq vaxtı təyyarə idarə etməyə icazə verilmir. Həmçinin pilotun kommersiya reysləri həyata keçirmək üçün lisenziyasının olmadığı bilinib.

Qeyd edək ki, E.Sala qış transfer dövründə 15 milyon funt sterlinq qarşılığında Fransa "Nant”ından İngiltərə Premyer Liqasında çıxış edən Uelsin "Kardiff Siti” klubuna keçib. Klub tarixində ən bahalı transfer olan fovard Uelsə yanvarın 21-də axşam saatlarında çarter reysi ilə yola düşüb. Planlaşdırılan enişdən bir saat əvvəl təyyarə radardan itib və daha sonra La Manş boğazından tapıb. Ardınca futbolçunun meyiti aşkarlanıb. (Report.az)