Gəncədə 12 yaşlı uşaq itkin düşdü

Gəncədə 12 yaşlı uşaq itkin düşüb.

31.03.2019-cu il tarixində Gəncə şəhərində yaşayan Abdullayeva Nərminə Qasım qızı Gəncə şəhər Nizami rayon Polis İdarəsinə ərizə ilə müraciət edərək bildirib ki, 2007-ci il təvəllüdlü oğlu, Gəncə şəhəri 25 saylı orta məktəbin 6-cı sinfində oxuyan Zülfüqarov Cabir Elbrus oğlu itkin düşüb.

Bildirilir ki, C.Zülfüqarov 30.03.2019-cu il tarixində saat 17:00 radələrində Gəncə şəhəri 1 saylı tam orta məktəbin yaxınlığında atası Zülfüqarov Elbrus Cabir oğlunun yanından xəbərsiz gedərək itkin düşüb.

Cabir Zülfüqarovun əlamətləri: Boyu 120 sm, arıq bədən quruluşlu, qaraşın, saçları qara, gözləri qəhvəyi rəngdədir. Evdən çıxarkən əynində göy rəngli gödəkçə, boz rəngli məktəbli formasının şalvarı, qara rəngli papaq və qəhvəyi rəngli idman ayaqqabısı olub.

Faktla bağlı Gəncə şəhər Nizami rayon Polis İdarəsində araşdırma aparılır.(ona.az)