Məşhur azərbaycanlı avtoritetin toyundan görüntülər yayıldı - VİDEO

Onu Hikmətin davamçısı kimi tanıyırdılar

Azərbaycanlı kriminal avtoritet Pərviz Sabirabadlının toyundan görüntülər yayılıb.

Anews.az aznews.az-a istinadən xəbər verir ki, toyda məşhur müğənni Tacir Şahmalıoğlu da iştirak edib.

Qeyd edək ki, kriminal aləmdə "Paşa" adı ilə tanınan azərbaycanlı "qanuni oğru" Pərviz Sabirabadlı ötən il həbsdən çıxıb.

Ümumilikdə 18 il həbs həyatı yaşayan Pərvizin "Paşa" kimi çağrılmasının səbəbi həmyerlisi, "qanuni oğru", kriminal aləmdə böyük hörmət sahibi olmuş Hikmətlə bağlıdır.

Belə ki, Hikmət ona Pərviz yox, "Paşa" deyirmiş. Beləcə, hər kəs onu "Paşa" deyərək çağırmaya başlayır. Pərvizi Hikmətin davamçısı kimi də tanıyırlar.

Rusiyada yaşayan və orada da məhkum olan Pərvizi həbsxana çıxışında dostları, yaxınları qarşılayıb.

Pərviz həm də "qanuni oğru" Rövşən Lənkəranskinin yaxın adamı kimi tanınıb.