İşdən qovulan baş həkimlərin sayı açıqlandı

Azərbaycanda dövlət xəstəxanalarına müraciət edən insanların sayı artıb. 4-5 il əvvəl poliklinikalar ölü qurum idi. İnsanlar bura yalnız arayış almaq üçün müraciət edirdilər. Ancaq artıq poliklinikalara müraciət edənlərin sayı da çoxalıb. ANN.Az ANS PRESS-ə istinadən xəbər verir ki, bunu Səhiyyə Nazirliyinin mətbuat xidmətinin rəhbəri Anar Qədirli XX Azərbaycan Beynəlxalq Səhiyyə Sərgisinə həsr olunmuş mətbuat konfransında çıxışı zamanı bildirib.Onun sözlərinə görə, xaricə müalicə almağa gedən insanlara yalnız Azərbaycanda təsadüf olunmur.A.Qədirli səhiyyədə islahatlar keçirilən son 7-8 il ərzində 100-ə yaxın tibb işçisinə töhmət verildiyini, 70-ə yaxın işçinin işdən çıxarıldığını deyib. Onlardan 9-u baş həkim olub. “Rüşvətlə mübarizədə də irəliləyişlər əldə olunub. Lakin bu işdə insanlar da bizə kömək etməlidirlər. İnsanlar öz hüquqlarını müdafiə etməlidirlər. Özləri də öz sağlamlıqlarının qeydinə qalmalıdırlar”.Sonda Anar Qədirli konfrans iştirakçılarını sentyabrın 27-si ürək gününə həsr olunmuş yürüşə dəvət edib. Yürüş Bakı bulvarında olacaq.ANN.Az