Küçədə qadını təhqir edən şəxs Zakir Fərəcovun əmisi oğlu çıxdı - FOTO

Sosial şəbəkələrdə kişinin qadını təhqir etməsi ilə bağlı video yayılıb.

Belə ki, xanım sürücü ilə digər bir şəxsin avtomobili toqquşub. Nəticədə avtomobili əzilən şəxs xanımı çox ağır şəkildə təhqir edib. Bundan başqa həmin şəxs qadını vurmaqla hədələyib.

Yenicag.az-ın əldə etdiyi özəl məlumata görə, videodakı həmin şəxs Sumqayıtın icra başçısı Zakir Fərəcovun əmisi oğlu Novruz Fərəcovdur. O, eyni zamanda dövlət məmurunun qaynıdır.

Bundan başqa hadisə Bakıda deyil, Sumqayıtda, dənizkənarı parkın yaxınlığında baş verib.

 

Videodaki şəxsin Zakir Fərəcovun qohumu olub-olmamasını müəyyənləşdirmək üçün Sumqayıt şəhər İcra Hakimiyyəti ilə əlaqə saxladıq. Amma sorğumuza cavab ala bilmədik. İcra Hakimiyyəti başçısınının mövqeyini Anews.az saytında verməyə hazırıq.